VOV4.Êđê - Bi ala kơ Dhar bruă gĭt gai Bruă kƀĭn ala, Khua bruă kƀĭn ala Vương Đình Huệ mrâo bi klă leh hdră mtrŭn mrô 406 kơ dŭm bruă ruh mgaih kñăm đru kơ phung duh mkra, phung ƀuôn sang hmăi amâo mâo jăk mơ̆ng klei ruă tưp Covid 19. Hdră mtrŭn lač klă, bi hrŏ 30% ênoh hrui wĭt mơ̆ng phung duh mkra ba jao hlăm thŭn 2021, hŏng mnuih tuh jia hlue mta mtrŭn jia phung duh mkra mâo ênoh hrui wĭt hlăm thŭn 2021, amâo êgao ôh 200 êklai prăk, lehanăn ênoh hrui wĭt hlăm thŭn 2021 hrŏ mkă hŏng ênoh hrui wĭt thŭn 2019. Amâo mâo rĭng ôh jia hrui wĭt mơ̆ng grăp čô mnuih, jia ênoh ênil đĭ, lehanăn dŭm mta jia mkăn bi ba jao kbiă hriê mơ̆ng dŭm bruă duh mkra mnia mblei hlăm dŭm mlan 7-9 lehanăn 3 mlan knhal jih thŭn 2021 hŏng dŭm gŏ sang lehanăn mnuih duh mkra mnia mblei ti dŭm kdriêk hmăi mơ̆ng klei ruă tưp Covid 19 hlăm thŭn 2021, mâo Khua knơ̆ng bruă sang čư̆ êa čar, ƀuôn prŏng hlăm gưl dlông bi klă. Hdră mtrŭn mâo klei tŭ dưn mơ̆ng hrue 19/10/2021./.

Y Khem pô mblang