VOV4.Êđê- Hlăm hruê 25/10, lŏ dơ̆ng klei bi kƀĭn bruă kƀĭn ala, phung bi ala bi trông hlăm êpul kơ hră čih Hdră bhiăn hră ênua (mkra mlih). Anei jing hră čih Hdră bhiăn mâo bruă klam yuôm bhăn hlăm bruă ngăn prăk, anei ăt jing bruă mnia blei mâo klei mdê hjăn. Mnia blei hŏng klei čŏng ngă,khădah, lŏ kčah mtrŭn blei hră ênua mgô̆. Kĭ kơ̆ kơ bruă bi kdơ̆ng hŏng klei dưi, dŭm klei clŭ kčah ñĕ kơ klei mkăp hră ênua mđĭ prăk hrui mă, hrŏ prăk bi liê hŏng dŭm mta bruă. Mguôp klei blŭ hlăm klei bi trông hlăm êpul, Khua bruă kƀĭn ala Vương Đình Huệ bi mni kơ hră čih hdră bhiăn leh anăn bruă ksiêm dlăng. Mbĭt anăn lač, hdră bhiăn ênua mkra mlih srăng ruh mgaih klei gun kpăk, mđĭ anôk čhĭ hră ênua đĭ kyar hơĭt kjăp hĭn. Khădah, Khua bruă kƀĭn ala ăt mtă dŭm boh phŭn brei lŏ dơ̆ng ktuê dlăng čiăng mđĭ hĭn hnơ̆ng jăk hdră bruă. Hlăm anăn klei bi kuôl kă ênua brei bi djŏ guôp hŏng boh klei anăp anei jing mnia blei hlăm hdră mrô, điện tử.

Pô mblang: H’Zawut Ƀuôn Yă