VOV4.Êđê - Lŏ dơ̆ng hdră mă bruă Klei bi kƀĭn tal 2, Bruă kƀĭn ala gưl 15, aguah 8/11, Bruă kƀĭn ala lŏ dơ̆ng kƀĭn ti Sang bruă kƀĭn ala, bi trông kơ klei tŭ hluê ngă hdră kčah mđĭ kyar bruă duh mkra- ala ƀuôn thŭn 2021, hdră mĭn tĭng hdră kčah mđĭ kyar bruă duh mkra ala ƀuôn thŭn 2011, hâo hưn kơ hdră gang mkhư̆ klei ruă Covid-19 leh anăn boh klei hluê ngă Hdră mtrŭn mrô 30 kơ Klei bi kƀĭn tal Sa, bruă kƀĭn ala gưl XV, lu phung bi ala lač, bruă duh bi liê knŭk kna jing sa hlăm dŭm boh kdrŭt yuôm bhăn hĭn čiăng mđĭ kyar bruă duh mkra. Lu phung bi ala lač, čiăng krŭ wĭt leh anăn mđĭ kyar bruă duh mkra hlăm boh klei mrâo, brei mđing kơ êpul hdră êlan đru kơ anôk bruă mnia blei hgao klei dleh dlan, hơĭt kjăp mkra mjing.

H Zawut pô mblang