VOV4.Êđê- Hruê 27-9 kơ anăp, Adŭ bruă kƀĭn ala bi hgŭm hŏng Dhar bruă duh mkra mơ̆ng Bruă kƀĭn ala mkŏ mjing Klei bi trông kčĕ kơ bruă duh mkra - ala ƀuôn. Klei bi trông dưi mkŏ mjing tlă anăp leh anăn online hŏng anôk phŭn ti Hà Nội leh anăn dŭm alŭ wăl mkăn hlăm kluôm ala. Khua bruă kƀĭn ala Vương Đình Hụê leh anăn K’iăng Khua bruă kƀĭn ala Nguyễn Đức hải gĭt gai klei bi kƀĭn. Klei bi kƀĭn srăng bi trông hlăm 2 mta bruă, lač kơ klei mâo mơ̆ng bruă ngăn prăk, duh bi liê, mnia blei kluôm rŏng lăn thŭn 2021, klei mrâo hĭn mơ̆ng bruă duh mkra dlông rŏng lăn leh anăn ba mdah dŭm klei đaŏ knăl hmaĭ kơ Việt Nam, lač kơ klei hmaĭ mơ̆ng klei ruă Covid-19 hŏng bruă duh mkra, ala ƀuôn Việt Nam, bruă ngă Hdră êlan tlŏ mgang vaccin Covid-19, klei hriăm hlăm bruă mtrŭn hdră êlan, klei akâo, hdră msir kơ Việt Nam mơ̆ng ară anei truh knhal jih thŭn leh anăn dŭm thŭn kơ anăp mơ̆ng wưng bruă kƀĭn ala gưl XV.

Pô mblang: H’Zawut Ƀuôn Yă