Klei bhiăn anei mâo Anôk bruă sang čư̆ êa čar Dak Lak ba mdah kñăm mđĭ boh tŭ anăn knăl, răng mgang anăn knăl lehanăn klei tŭ dưi mơ̆ng dŭm tĭng djŏ tuôm. Klei bhiăn anei jing sa knhuang yuôm bhăn hlăm bruă mkra anăn knăl Kphê Ƀuôn Ama Thuôt amâo djŏ knŏng hlăm wăl anôk mnia mblei hlăm ala čar ƀiădah wăt hlăm tar rŏng lăn. Klei bhiăn anei kčah klă klơ̆ng kơ anôk mkra, đŭng hruh lehanăn kriê pioh kphê lehanăn mƀlir anăn knăl ktrâo lač krĭng pla Ƀuôn Ama Thuôt.

Knŏng kphê Robusta dưi pla, hrui pĕ lehanăn mkra hlăm krĭng mâo bi mklă hlăm Ƀuôn Ama Thuôt lehanăn krĭng djiêu gah čar Dak Lak, mkăp djŏ hŏng hnơ̆ng čuăn tŭ jăk klă klơ̆ng, dưi ba yua anăn knăl anei. Dŭm êpul, mnuih ba yua brei nao bi mklă lehanăn hluê ngă kjăp mơ̆ng hdră pla truh kơ mkra mjing./.