VOV4.Êđê- Mđing kjăp lehanăn mđrăm mbĭt dŭm hdră msir gang mkhư̆ klei ruă tưp ti mnơ̆ng rông lehanăn mnơ̆ng hlăm êa dơ̆ng mơ̆ng akŏ thŭn” jing klei mtă mơ̆ng K’iăng khua phŭn bruă Lŏ hma lehanăn mđĭ kyar krĭng ƀuôn sang Phùng Đức Tiến ti anôk bi kƀĭn online kluôm ala kơ hdră gang mkhư̆ klei ruă ti mnơ̆ng rông lehanăn mnơ̆ng hlăm êa mkŏ mjing aguah hruê 11/2 ti Hà Nội. Hluê anăn, dŭm alŭ wăl brei mprăp hluê ngă tŭ dưn dŭm mta bruă, hdră kčah mơ̆ng ala čar hlăm bruă anei mâo leh Khua knŭk kna bi mklă. Mbĭt anăn, mtrŭt mđĭ bruă mkŏ mjing krĭng êđăp ênang amâo mâo klei ruă tưp mjing tur knơ̆ng rơ̆ng kjăp phŭn mkăp mnơ̆ng dhơ̆ng, đru mguôp hlăm klei đĭ kyar mơ̆ng anôk bruă lŏ hma hlăm thŭn anei. Ti anôk bi kƀĭn, dŭm klei blŭ mtă brei ruh mtlaih dŭm klei dleh dlan kơ hdră mtrŭn djŏ tuôm hŏng phung mă bruă mdrao mgŭn mnơ̆ng rông gưl nah gŭ./.

                                                   Pô mblang: H’Nêč Êñuôl