Blŭ hrăm ti anôk bi kƀĭn, Khua knŭk kna lač, hlăm bruă sa ai hŏng phung duh mkra mnia mblei, tui duah hdră mă bruă jăk, hdră mrâo, bi djŏ hŏng klei duh mkra mnia mblei hlăm ala čar, hlăm alŭ wăl lehanăn tar rŏng lăn pioh đru kơ phung duh mkra hgao klei dleh dlan, mđĭ kyar bruă duh mkra, mnia mblei mnơ̆ng mơ̆ng dliê hŏng klei kjăp, rơ̆ng bi mâo djăp mnơ̆ng yua hlăm ala čar, lehanăn čhĭ kơ ala tač êngao: Mnơ̆ng mơ̆ng dliê thŭn 2023 truh 17,5 êklai USD lehanăn kan hdang truh 10 êklai USD.

Khua knŭk kna mâo klei mtă ti anôk bi kƀĭn lŏ bi trông hdră êlan mă bruă bi djăp ênŭm, jăk hĭn mghaih msir jih klei dleh dlan, ya mta klei gun kpăk hlăm bruă mkra mjing kyâo, mnơ̆ng mơ̆ng dliê, lehanăn kan hdang boh nik klei djŏ tuôm hŏng ênoh bi mnia mblei hŏng ala tač êngao. Klei bi kƀĭn anei lŏ mă klei hriăm kơ dŭm knơ̆ng dhar bruă, phung duh mkra, mâo hdră êlan mă bruă jăk hĭn, pŏk mlar bruă knuă pô hlăm wưng kơ anăp./.