Êbeh 1.000 mta mnơ̆ng djăp ênoh čuăn OCOP kluôm ala ba rang mdah hlăm knăm Festival mnga Đà Lạt
Thứ năm, 10:10, 26/12/2024
VOV TAYNGUYEN
VOV TAYNGUYEN
VOV4.Êđê- Jing sa hlăm dŭm hdră mơ̆ng Festival mnga Đà Lạt thŭn 2024, ti war mnga Trần Quốc Toản, ƀuôn prŏng Đà Lạt, Knơ̆ng bruă sang čư̆ êa čar Lâm Đồng pŏk leh klei rang mdah mnơ̆ng čhĭ mnia djăp ênoh čuăn OCOP mơ̆ng dŭm krĭng kwar.
Mkŏ mjing hlŏng truh jih hrue 30/12 tinăp, mâo hưn mdah truh 1.000 mta mnơ̆ng hlăm lăn čar. Anôk răng mdah mnơ̆ng OCOP ti Đà Lạt hŏng ênoh êbeh 200 knưng mnơ̆ng, mơ̆ng 120 êpul êya, phung duh mkra, dŭm êpul bruă duh mkra mnia mblei hlăm ala čar nao rang mdah.
Ti anei, jih jang mnơ̆ng djăp ênoh čuăn OCOP anăn mơ̆ng 3 - 5 mtŭ mơ̆ng dŭm alŭ wăl hlăm kluôm ala hưn mdah kơ mnuih ƀuôn sang lehanăn phung tue ƀuh lehanăn blei yua. Tui si Nguyễn Thị Hồng Quyên, Khua knơ̆ng bruă Cô Ba Chuyên, čar Đồng Nai, anei jing klei găl prŏng čiăng kơ anôk pô mâo hưn mdah kơ mnơ̆ng dhơ̆ng pô mkra mjing dưi truh hŏng jih jang mnuih hlăm ala čar lehanăn tue mơ̆ng ala tač êngao thâo lehanăn blei./.
Viết bình luận