Hluê si phung bi ala nao hlăm klei kƀĭn, leh 5 thŭn mơ̆ng thŭn 2019 – 2023 klei bi lông kphê jăk yâo Việt Nam - VietNam Amazing Cup mâo leh dŭm klei hmăi jăk kơ klei duh ƀơ̆ng mơ̆ng phung mkra mjing kphê, mđĭ hnơ̆ng tŭ jăk mnơ̆ng dhơ̆ng, bi hơĭt rup kphê Việt Nam.

Čiăng mđĭ kyar kjăp, phung bi ala mñă kơ Phŭn bruă lŏ hma leh anăn mđĭ kyar krĭng ƀuôn sang dưn yua klei čih pioh, klei hưn mơ̆ng 5 gưl mkŏ mjing klei bi lông Kphê jăk yâo Việt Nam, mơ̆ng anăn bi klă kluôm kơ dŭm krĭng pla mjing mâo klei pah mni, mâo hdră êlan djŏ guôp, mđĭ klei thâo kơ phung mkra mjing kphê jăk yâo, mkŏ mjing lu hdră hưn mdah kphê jăk yâo Việt Nam ti anôk mnia mblei hlăm leh anăn êngao ala čar, mkŏ mjing, ba yua dŭm anôk bruă mtô mjuăt kơ kphê ti dŭm krĭng pla mjing leh anăn anôk ba čhĭ čiăng mtrŭt mjhar phung mă bruă mkra mjing kphê dưi mđĭ hĭn klei thâo.