VOV4.Êđê - Aguah mbruê 11/3, ti anôk bruă Dhar kreh leh anăn klei bi kƀĭn čar Sóc Trăng, phŭn bruă lŏ hma leh anăn mđĭ kyar krĭng ƀuôn sang bi mguôp hŏng bruă sang čư êa čar Sóc Trăng mkŏ mjing klei kƀĭn trông klă anăp bi mguôp hŏng êlan online kơ klei mđĭ kyar bruă rông hdang thŭn 2022 leh anăn bi klă hdră bi mguôp ksiêm dlăng mjeh hdang êa trô̆ msĭn thŭn 2022. Hluê si anôk bruă rông kan hdang, thŭn 2021, bruă rông hdang mâo boh tŭ jăk. Klă klơ̆ng bruă rông hdang dŭm mta mâo 970 êbâo tôn, đĭ 4,3% mkă hŏng thŭn 2020, hlăm anăn hdang êa trô̆ msĭn mâo 930 êbâo tôn. Hluê si hdră mka mjing hdang thŭn 2022, ênhă rông hdang mâo 750 êbâo ha, hdang dŭm mta mâo 980 êbâo tôn, hnơ̆ng mnia mblei mâo êbeh 4 êklai USD. Čiăng dưi mâo boh tŭ anei, phung bi ala bi trông ba mdah dŭm hdră êlan, bruă klam msĕ si knăm mkŏ mjing klei bi mguôp plah wah dŭm alŭ wăl rông hdang, mkŏ mjing hdră mkăp rông hdang êa trô̆ msĭn hlăm wưng klei ruă tưp Covid-19, rơ̆ng amâo klei kpăk ti anăp boh sĭt klei ruă tưp.

Y- Ƀel pô mblang