VOV4.Êđê - Tlam hruê 22/9, Knơ̆ng bruă sang čư̆ êa ƀuôn prŏng Ƀuôn Ama Thuôt, čar Dak Lak mâo hră mơar mrô 4224 kơ bruă brei dŭm anôk bruă mnia blei mnơ̆ng ƀơ̆ng, sang čhĭ mnơ̆ng ƀơ̆ng, sang čhĭ kphê dưi lŏ wĭt ngă bruă, mphŭn mơ̆ng krah mlam hruê 23/9/2021. Hluê anăn, dŭm anôk bruă mnia blei mnơ̆ng ƀơ̆ng huă, sĭt ngă bruă brei hluê ngă dŭm klei mtă gang mkhư̆ klei ruă Covid-19, msĕ si amâo čhĭ ôh êbeh 10 čô mnuih hlăm sa mmông; tơdah ênhă anôk čhĭ mnia êbeh 50 m2 dưi čhĭ kơ jih hnơ̆ng 20 čô mnuih. Phung khua anôk bruă mnia blei brei dăp mnuih kăp mkă hnơ̆ng hlơr asei mlei, mdjiê kman, bi mdoh nanao asei mlei, krih êa drao mdjiê kman hlăm jhưng mdhô̆ leh sa gưl tuê đuê̆. Ară anei boh klei ruă tưp ti ƀuôn prŏng Ƀuôn Ama Thuôt klă klơ̆ng dưi ktuê dlăng, 6 anôk mâo klei ruă ti dŭm ƀuôn hgŭm Thành Nhất, Tân Thành, Tân Hòa dưi mkhư̆ leh, amâo mâo ôh mnuih ruă mrâo hlăm êpul êya; kluôm ƀuôn prŏng mâo 7 ƀuôn hgŭm, să êbeh leh 14 hruê leh anăn 11 ƀuôn hgŭm êbeh leh 7 hruê amâo mâo ôh mnuih ruă hlăm êpul êya.

H Zawut pô mblang