VOV4.Êđê- Hluê si Dương Anh Đức, K’iăng khua anôk bruă sang čư̆ êa ƀuôn prŏng Hồ Chí Minh, mơ̆ng hruê 15/9 truh kơ knhal jih mlan 9, ƀuôn prŏng Hồ Chí Minh ăt ba yua Asăp mtrŭn mrô 16 lehanăn 16+, amâo tĭng hŏng dŭm alŭ wăl mâo klei bi êdah hrŏ leh mnuih mâo klei ruă Covid 19 msĕ si Cần Giờ, Củ Chi, alŭ 7... dưi ba yua Asăp mtrŭn mrô 16 – amâo dah Asăp mtrŭn mrô 15+. K’iăng khua anôk bruă sang čư̆ êa ƀuôn prŏng Hồ Chí Minh brei thâo, ƀuôn prŏng Hồ Chí Minh dôk ksiêm dlăng bruă ba yua “Hră mtah”, “Hră kñĭ” amâo dah hdră ngă msĕ snăn čiăng bi êdu hdră bi ktlah yang ƀuôn hŏng dŭm êpul mnuih kñăm rơ̆ng kjăp klei êđăp ênang. Khă snăn, ară anei, mrô mkăp hdră tlŏ mgang mơ̆ng mnuih ƀuôn sang ƀuôn prŏng hluê kdrăp mrô ka dưi bi mklă djăp ênŭm ôh. Kyua anăn, ƀuôn prŏng Hồ Chí Minh ka dưi bi êdu ôh hdră bi ktlah yang ƀuôn hlăm hruê 15/9 anei lehanăn srăng hluê ngă msĕ si hnơ̆ng čuăn “Ti anôk êđăp ênang leh snăn pŏk ƀăng ti anôk anăn”./.

Pô mblang: H’Nêč Êñuôl