VOV4.Êđê - Hlăm hruê 14/10, Trung đoàn Gia Định - Anôk bruă lĭng kahan ƀuôn prŏng Hồ Chí Minh leh anăn Knơ̆ng bruă sang čư̆ êa dŭm kdriêk, kdriêk čar ti ƀuôn prŏng mkŏ mjing klei hdơr kngan, bi ktlah hŏng êpul lĭng kahan, phung aê mdrao kahan đru kơ ƀuôn prŏng mdrơ̆ng hŏng klei ruă Covid-19. Giăm 2 mlan êgao, êbeh 300 čô phung hriăm hlăm Sang bi hriăm aê mdrao kahan dưi ba mơ̆ng Hà Nội nao ti ƀuôn prŏng Hồ Chí Minh đru gang mkhư̆ klei ruă Covid-19.

Ară anei wĭt kơ anôk bruă, lŏ dơ̆ng hriăm hră, lu phung lĭng kahan mda asei hŏng ai tiê mơak leh anăn ênguôt mâo mơh kyua kbiă đuê̆ mơ̆ng ƀuôn prŏng. Ăt hlăm hruê 14/10, Knơ̆ng bruă sang čư̆ êa kdriêk čar mrô 1 leh anăn kdriêk čar mrô 5 bi hgŭm hŏng Knơ̆ng bruă hiu čhưn ênguê Ảnh Việt leh anăn Sang kriê pioh bi mklă klei blah ngă mkŏ mjing klei hdơr knga kơ phung lĭng kahan đru gang mkhư̆ leh klei ruă tưp ti alŭ wăl hlăm wưng êgao. Leh giăm 2 mlan dưi ba nao ti ƀuôn prŏng Hồ Chí Minh đru mdrơ̆ng hŏng klei ruă Covid-19, dŭm anôk bruă hlăm Phŭn bruă lĭng kahan srăng bi kbiă lĭng kahan leh ƀuôn prŏng Hồ Chí Minh mŭt hlăm wưng ngă bruă mrâo.

H  Zawut pô mblang