VOV4.Êđê- Hlăm hdră “Phung ƀuôn sang êmuh - Ƀuôn prŏng wĭt lač” mk mjing mlam mmăt mbrue, Lê Hoà Bình, k’iăng khua knơ̆ng bruă sang čư̆ êa ƀuôn prŏng Hồ Chí Minh brei thâo Shiper ƀuôn prŏng srăng dưi jao ba mnơ̆ng truh hlăm djăp kdriêk čar yap mơ̆ng hrue 16/9. Hlăm hdră anei, mâo lu klei êmuh kơ k'iăng khua knơư̆ng bruă sang čư̆ êa ƀuôn prŏng Hồ Chí Minh kơ bruă bi êdu klei wang dar, kăm mkhư̆, lŏ wĭt hlăm klei êrô êbat msĕ si aguah tlam hŏng phung ƀuôn sang... Wĭt lač klei phung ƀuôn sang êmuh, lê Hoà Bình brei thâo: Ƀuôn prŏng Hồ Chí minh mâo wưng mơ̆ng hrue 16 - 30/9 srăng lông bi êdu klei kăm ghă ti 3 anôk dưi mkhư̆ leh klei ruă tưp jing kdriêk čar mrô 7, kdriêk Củ Chi, lehanăn kdriêk Cần Giờ. Êjai ƀuôn prŏng hlăk dôk ngă klei kăm mkhư̆ wang dar, snăn jih jang klei phung ƀuôn sang êrô êbat srăng mâo klei kiă kriê kjăp hŏng hŏng phần mềm čih hưn klei leh tlŏ vaccine, boh tŭ dưn klei mkă dlăng kman, êlan srăng kbiă hiu./.

Pô mblang: Y-Khem Niê