VOV4.Êđê - Ti hdră bruă “Mnuih ƀuôn sang êmuh - Ƀuôn prŏng wĭt lač” mkŏ mjing mmăt hruê 13/9, K’iăng khua anôk bruă sang čư̆ êa ƀuôn prŏng Hồ Chí Minh Lê Hòa Bình mkăp leh lu klei hâo hưn hlak mblang kơ hdruôm hnơ̆ng čuăn êđăp ênang kñăm bi êdu hdră bi ktlah yang ƀuôn lehanăn hdră đru kơ anôk bruă duh mkra lŏ krŭ wĭt bruă duh mkra, mnia mblei. Hluê anăn, hŏng dŭm hdruôm hnơ̆ng čuăn êđăp ênang čiăng lŏ pŏk ƀăng hdră duh mkra, Lê Hòa Bình brei thâo, ƀuôn prŏng čih mkra leh 8 hdruôm hnơ̆ng čuăn kơ dŭm mta bruă.

Hdruôm hnơ̆ng čuăn anei srăng bi leh êlâo kơ hruê 16/9, leh anăn srăng lông hluê ngă ti alŭ 7, kdriêk Củ Chi lehanăn kdriêk Cần Giờ, mđing răng hlăm bruă lŏ pŏk mlar ti Wăl tuh tia mkra mjing Tân Thuận lehanăn krĭng wăl tuh tia hluê kdrăp mrâo – ƀuôn prŏng Thủ Đức. Hlăm hdră lông ngă, tơdah krĭng wăl, anôk djăp hnơ̆ng čuăn êđăp ênang srăng brei ngă bruă mtam. Kơ hdră đru anôk bruă duh mkra, êdei kơ hruê 15/9, ƀuôn prŏng Hồ Chí Minh srăng mă bruă hŏng Êpul ngă bruă mơ̆ng Knŭk kna mâo klei ba mdah djŏ guôp./.

H Nêč pô mblang