VOV4.Êđê - Aguah mbruê, bruă Đảng ƀuôn prŏng, êpul gơ̆ng bruă ƀuôn sang, bruă sang čư̆ êa, dhar bruă mặt trận ƀuôn prŏng Hồ Chí Minh mkŏ mjing leh knăm pah mni êpul ngă bruă gang mkhư̆ klei ruă tưp Covid-19 ti alŭ wăl ƀuôn prŏng Hồ Chí Minh. Hlăm knăm anăn, khua gĭt gai ƀuôn prŏng Hồ Chí Minh mđup brei leh hră pah mni kơ 55 êpul êya leh anăn mêđai Hồ Chí Minh kơ 119 čô mâo klei bruă ngă kdlưn, nao hgŭm đru hlăm bruă gang mkhư̆ klei ruă tưp Covid-19 hlăm alŭ wăl. Hlăm knăm pah mni anăn, khua gĭt gai ƀuôn prŏng Hồ Chí Minh brei thâo, klei kƀĭn trông gưl dlông tal 4 mâo lu mta phŭn yuôm bhăn, hlăm anăn mâo mta phŭn gang mkhư̆ klei ruă tưp Covid-19 leh anăn krŭ wĭt bruă duh mkra hlăm wưng klei msĕ aguah tlam mrâo. Ti anăp, phŭn bruă kđi čar gĭt gai kơ knŭk kna, êpul gĭt gai ala čar leh anăn dŭm čar, ƀuôn prŏng kñăm bi mguôp, hnư̆m mgaih msir bruă dŭm êbâo čô mnuih mă bruă čŏng wĭt kơ ƀuôn sang pô. Êngao kơ bruă đru kơ mnuih mă bruă mâo klei čiăng wĭt dưi mâo klei êđăp ênang, rơ̆ng dŭm hdră êlan gang mkhư̆ klei ruă tưp, čiăng lŏ mkŏ mjing jăk bruă ba mnuih mă bruă mơ̆ng ƀuôn sang lŏ wĭt kơ anôk mă bruă.

Y Bel pô mblang