VOV4.Êđê -  Tui si hdră hlăm klei kƀĭn tal 2 bruă kƀĭn ala gưl 15, aguah anei, phung bi ala hmư̆ khua phŭn bruă ngăn prăk Hồ Đức Phớc, mâo klei dưi mơ̆ng khua knŭk kna hưn mdah hdră mkăp klei bhiăn mnia mblei hră ênua (mlih mrâo) leh anăn khua phŭn bruă hdră êlan leh anăn duh bi liê, mâo klei dưi mơ̆ng khua knŭk kna hưn mdah hdră mkăp kơ đa đa hdră ngă bruă, hdră êlan đĭ kyar dŭm čar, ƀuôn prŏng Hải Phòng, Nghệ An, Thanh Hóa leh anăn Thừa Thiên Huế (boh sui lu êdi 20 mnĭt). Leh kơ anăn, bruă kƀĭn ala srăng hmư̆ dŭm klei ksiêm êmuh kơ mta phŭn anei. Tlam mbruê, mâo đa đa mta phŭn yuôm bhăn dưi bi trông mơ̆ng phung bi ala jing bruă ngă dŭm hdră êlan, hdră ênua yang ƀuôn, ksiêm dlăng leh anăn yua keh prăk ênua yang ƀuôn thŭn 2020. Phung bi ala bruă kƀĭn ala leh anăn phung thơ̆ng kơ bruă bi lač: čiăng mâo hdră êlan mđĭ boh tŭ dưn yua dŭm keh prăk ênua yang ƀuôn, ênua luič bruă mă ară anei truh kơ 953 êbâo êklai prăk. mbĭt hŏng anăn, čiăng ƀuah mkra bruă amâo tla, tla êmưt ênua yang ƀuôn./.

Y Ƀel pô mblang