VOV4.Êđê- Ti sang bruă kƀĭn ala, khua bruă kƀĭn ala Vương Đình Huệ gĭt gai leh klei ngă bruă online hŏng êpul knơ̆ng bruă gưl dlông mơ̆ng êpul hgŭm bruă mnia mblei Mi -ASEAN tui si klei mtă mơ̆ng êpul hgŭm bruă mnia mblei Mi -ASEAN hŏng dŭm anôk bi kƀĭn ti 12 ala čar. Hlăm klei ngă bruă anăn, khua bruă kƀĭn ala Vương Đình Huệ hmăng hmưi dŭm knơ̆ng bruă mơ̆ng Mi leh anăn êpul hgŭm bruă mnia mblei Mi -ASEAN mđĭ hĭn klei blŭ hrăm kơ hdră êlan, ruh mgaih klei dleh dlan, kpăk êgun, hưn mthâo klă kơ dŭm boh klei leh anăn blŭ hrăm tui si êlan jih 2 nah mâo klei dưi, wăt knŭk kna leh anăn knơ̆ng bruă mâo klei dưi, mnuih ƀuôn sang leh anăn mnuih mă bruă tŭ klei jăk. Leh anăn đru kčĕ kơ klei bhiăn ala čar Việt Nam jing năng kơ klei hdĭp hlăm ala čar leh anăn djăp ênŭm hnơ̆ng čuăn hlăm alŭ wăl leh anăn tar rŏng lăn.

Pô mblang: Y-Ƀel Êban