VOV4.Êđê - Aguah mbruê 20/12 ti Hà Nội, phŭn bruă lŏ hma leh anăn mđĭ kyar krĭng ƀuôn sang mkŏ mjing leh klei kƀĭn trông online bi klă bruă tui ngă leh anăn mtrŭt mđĭ klei bi hmô bruă lŏ hma thâo mĭn bi mdrơ̆ng hŏng klei mlih yan adiê mơ̆ng hdră mkăp mlih mrâo bruă lŏ hma mâo krih êa. Leh 6 thŭn tui ngă, hdră mkăp dưi đru mlih mrâo klei krih êa jua kơ êbeh 93 êbâo ha lăn pla mjing hlăm 7 čar, ƀuôn prŏng.

Hdră mkăp đru mkŏ mjing 49 klei bi hmô ngă bruă lŏ hma thâo mĭn bi mdrơ̆ng hŏng klei mlih yan adiê hŏng dŭm mta msĕ si: mdiê lŏ, djam mtam dŭm mta, ana ƀơ̆ng boh leh anăn ana sui thŭn. Hluê si k’iăng khua phŭn bruă lŏ hma leh anăn mđĭ kyar krĭng ƀuôn sang Lê Quốc Doanh, dŭm boh tŭ dưn dưi mâo mơ̆ng hdră mkăp mâo klei đru mguôp yuôm bhăn hlăm klei tŭ jing hdră mkăp mlih klei ngă bruă lŏ hma ăt msĕ hŏng hdră êlan mđĭ kyar knơ̆ng mkăp êa truh thŭn 2030 leh anăn tă hdră truh thŭn 2050.

Y - Ƀel pô mblang