VOV4.Êđê - Mmăt mbruê, bruă sang čư̆ êa ƀuôn prŏng Đà Nẵng mâo leh asăp mtrŭn kơ bruă ngă dŭm hdră êlan djŏ hŏng klei êđăp ênang, ksiêm dlăng kjăp klei ruă tưp Covid-19. Asăp mtrŭn anei lač klă 9 hdră gang mkhư̆ klei ruă tưp hlăm ênuk mrâo. Kñăm jing hyuă kjăp klei mĭn ƀuôn hgŭm, să, alŭ jing kđông kjăp, mnuih ƀuôn sang jing mta kñăm, pô bi klă hlăm bruă gang mkhư̆ klei ruă tưp. Boh nĭk, ƀuôn prŏng hyuă kjăp leh anăn mkŏ mjing, tui ngă mâo boh tŭ dưn 6 klei bhiăn djŏ hŏng klei êđăp ênang, ksiêm dlăng kjăp klei ruă tưp Covid-19 mơ̆ng khua knŭk kna gĭt gai leh. Bruă sang čư̆ êa ƀuôn prŏng Đà Nẵng bi klă, bi kơ dŭm anôk dôk ngă klei bi ktah amâo dah dưi mkŏ mjing leh mâo mnuih ruă mrâo hlăm êpul êya yang ƀuôn. Lŏ ngă kjăp dŭm hdră êlan bruă mdrao mgŭn, ti anôk pô adôk, dôk ti anăn yơh. Bi kơ dŭm anôk mkăn, ƀuôn prŏng mdei êjai dŭm anôk bruă mnia mblei, anôk hlăp mblul, anôk bi msiam (knŏng sang kăp ƀŭk, ngoa kŏ dưi ngă bruă) leh anăn brei mdei jih dŭm sang karaoke, massa, sang ƀar, sang kdŏ mmuñ, sang mdah fim, anôk hlăp game, internet hlăm yang ƀuôn.

Y Ƀel pô mblang