VOV4.Êđê - Lŏ dơ̆ng brei klei blŭ kơ dŭm mta klei ti anôk bi kƀĭn tal 2, anôk bruă kƀĭn ala gưl 15 hlăm hruê 22/10, leh hmư̆ Hră hưn mdah kơ klei čih mkra Hdră mtrŭn kơ dŭm klei bhiăn, hdră mtrŭn mđĭ kyar dŭm čar, ƀuôn prŏng: Hải Phòng, Nghệ An, Thanh Hóa lehanăn Thừa Thiên Huế lehanăn hră hưn mdah bruă ksiêm dlăng klei čih mkra Hdră mtrŭn kơ dŭm klei bhiăn, hdră mtrŭn mđĭ kyar kơ dŭm čar anei, Êpul bi ala anôk bruă kƀĭn ala čar Dak Lak bi trông, sa ai lehanăn bi tŭ ư hŏng dŭm klei ba mdah.

Mbĭt anăn ba mdah klei blŭ kơ bruă anei. Êpul bi ala anôk bruă kƀĭn ala čar Dak Lak lač, mta phŭn hlăm Hră hưn mdah mơ̆ng knŭk kna rơ̆ng klei klă mngač. Tơdah hdră mtrŭn dưi bi mklă srăng mjing klei găl kơ alŭ wăl pŏk ngă lehanăn mđĭ lar klei găl mâo mơ̆ng alŭ wăl. Khă snăn, tơdah bi mklă, brei mđing kơ boh tŭ hluê ngă./.

H Nêč pô mblang