VOV4.Êđê- Kñăm mđĭ ai phung hđeh dôk mdrao mgŭn leh anăn ngă klei ktlah hjăn mdrao mgŭn gang mkhư̆ klei ruă Covid-19 hruê mbruê 17-9, Êpul hgŭm phung hđeh čar Dak Lak leh anăn Sang Dhar kreh êdam êra hđeh êlăk čar bi hgŭm hŏng anôk bruă đru mkŏ mjing hdră “Pui hruh kuič mngač klei čang hmăng” mlan pur 2021.

Hluê anăn, êpul nao čhưn leh anăn mđup brei 200 hnư mnơ̆ng mlam mlan pur kơ phung hđeh điêt ti 4 anôk mâo: Sang êa drao jing jai leh anăn Wăl bi ktlah hjăn leh năn ƀuôn Pưk Prŏng ti să Ea Ning, kdriêk Čư̆ Kuin, leh anăn wăl kwang dar ti să Čư̆ Né, kdriêk Krông Ƀuk. Grăp hnư mnơ̆ng mâo ƀêñ, êa ksâo, pui hruh čiăng kơ phung hđeh drông mlam mlan pur hlăm klei djăp êmŭn. Ênoh bi liê hdră bruă 30 êklăk prăk.

Pô mblang: H’Zawut Ƀuôn Yă