VOV4.Êđê- Kwang dar 4 ƀuôn, ngă klei ksiêm mkă jih jang mnuih ƀuôn sang čiăng bi mklă F0, F1, pral tlŏ mgang vaccin hŏng dŭm êpul huĭ tưp, ƀuôn prŏng Ƀuôn Ama Thuôt, čar Dak Lak dôk pral mkhư̆ anôk mâo klei ruă Covid-19 mrâo ƀuh ti să Ea Kao.

Leh ƀuh 2 čô djŏ klei ruă Covid-19 hlăm êpul êya ti să Ea Kao hruê 29-9, bruă mdrao mgŭn ƀuôn prŏng Ƀuôn Ama Thuôt, čar Dak Lak pral hiu duah, čuăl krĭng kwang dar dŭm ƀuôn Čư̆ Bông, Tơ̆ng Jŭ, Čư̆ Mblĭm leh anăn alŭ Cao Thắng, ba mnuih nao ksiêm mkă čiăng pral ƀuh phung F0 ba mdrao mgŭn, bi ktlah hjăn phung F1.

Yap truh aguah 1/10, ti Ea kao ksiêm mkă leh 3.500 čô mnuih ƀuôn sang, bi mklă 18 čô mnuih ruă Covid-19. Hlăm mlan 30 mlan 9, ti ƀuôn Tơ̆ng Jŭ mâo thiăm 30 čô mnuih test pral djŏ klei ruă. Ară anei mta ksiêm mkă lŏ ba ksiêm mkă RT-PCR.

Pô mblang: H’Zawut Ƀuôn Yă