VOV4.Êđê- Ƀri bi hdơr 65 thŭn hruê mkŏ mjing êpul hđeh êdam êra Việt Nam, êpul hđeh êdam êra čar Dak Lak mtrŭt mjhar leh klei bi lông, bi ktưn nao mbĭt hŏng dŭm bruă klă klơ̆ng, djŏ guôp hŏng boh sĭt leh anăn klei ruă tưp hlăm dŭm gưl bruă. Bi kơ gưl čar, hdră kâo khăp kơ ala čar mđup brei leh 10 boh sang klei khăp, 9 tač hlăp boh, 3 hdră kêč rup ti êlan, pla êbeh 25.000 ana kyâo mtah.

Mbĭt hŏng anăn, êpul hđeh êdam êra čar Dak Lak lŏ ba jao 100 êklăk prăk đru kơ phung êdam êra kčưm klei mă bruă knuă, mđup brei êbeh 28.000 hnư mnơ̆ng leh anăn hruh êa drao mơ̆ng hră “êklăk hruh bi hơĭt klei hdĭp” mơ̆ng bruă Đoàn gưl dlông mtrŭt mjhar. Dŭm gưl bruă hđeh êdam êra mâo lu bruă ngă, bi djŏ hŏng klei sĭt, mlih bruă mkŏ mjing mơ̆ng klă anăp jing êlan online msĕ si: Bi lông mmuñ klei Angle, klei kƀĭn kčưm bruă mnia mblei kơ hđeh êdam êra, hdră “Dŭm knhuang êbat kyua yang ƀuôn” leh anăn Grăp čô hđeh êdam êra sa pŏk hdruôm hră ngă mah jiăng.

Pô mblang: Y-Ƀel Êban