VOV4.Êđê- Hluê si Knơ̆ng bruă Lŏ hma lehanăn Mđĭ kyar krĭng ƀuôn sang čar Dak Lak, gưl adiê hjan hlăm lu hruê êgao ngă êngăp êa lehanăn ba lu klei luič liê kơ dŭm alŭ wăl ti kdriêk Êa Sup, Ƀuôn Đon, Êa Hleo. Ară anei, bruă sang čư̆ êa dŭm alŭ wăl mbĭt hŏng mnuih ƀuôn sang dôk mjêč msir mghaih klei truh anei kñăm pral bi h’ĭt klei hdĭp mnuih ƀuôn sang.

Ti kdriêk knông lăn Êa Sup mâo 390 boh sang êngăp êa, êbeh 2 êbâo ha mdiê, mnơ̆ng pla jhat rai, lu ktuê êlan êngăp êa amâo lŏ dưi găn êrô. Mbĭt hŏng hdră msir mghaih klei truh mơ̆ng gưl adiê hjan êa lip hlăm wưng êgao, dŭm alŭ wăl lŏ pŏk dŭm hdră msir gang mkhư̆ hŏng klei truh mơ̆ng yan adiê ngă hluê hdră “4 tinăn mtam”. Boh nik, ba nao dŭm êpul, kdrăp mnơ̆ng gak răng ti dŭm krĭng wăl mprăp mdrơ̆ng hŏng djăp klei mâo, mbĕ dŭm gŏ sang krĭng tlung, êngăp êa nao kơ anôk êđăp ênang./.

Pô mblang: H’Nêč Êñuôl