VOV4.Êđê - Tlam mbruê, bruă sang čư̆ êa čar Dak Lak mâo leh hră mtrŭn gĭt gai bruă mtô bi hriăm hlăm wưng klei ruă tưp Covid-19 dôk dleh dưi ksiêm dlăng. Tui hluê anăn, bi kơ dŭm alŭ wăl dưl bi klă jing anôk mtah, sang hră gưl 2, gưl 3 lehanăn dŭm anôk bi hriăm bruă srăng ngă klei hriăm klă anăp kơ phung nai lehanăn phung hđeh dôk hlăm anôk mtah. Sang hră gưl 1 srăng ngă hŏng êlan online, klei mđung rup lehanăn jao klei hriăm. Bi kơ hđeh sang hră dŭ 1, adŭ 2 ngă êlâo hĭn klei hriăm êlan mđung rup lehanăn mâo ngă bruă ksiêm dlăng klei hriăm, čih yap nanao hlăm wưng klei hriăm anei, leh hđeh sang hră nao hriăm ti sang hră, srăng mâo klei lŏ wĭt hriăm, ksiêm dlăng, čih yap djŏ tuôr. Bi kơ phung hđeh điêt, brei mdei klei nao sang hră mơar truh kơ mmông mâo klei hâo hưn mrâo. Knơ̆ng bruă mtô mjuăt bi hriăm čar Dak Lak mtă kơ dŭm sang hră mơar, êjai ngă dŭm klei bi hriăm srăng hâo hưn lehanăn mtô kơ phung hđeh sang hră, phung amĭ ama kơ dŭm klei mrâo jing tur knơ̆ng, kdrăp yua hlăm klei hriăm, hdră jao klei hriăm, mta phŭn klei hriăm, klei ksiêm dlăng, čih yap dŭm klei bhiăn hŏng grăp hdră mtô bi hriăm.

Y Ƀel pô mblang