VOV4.Êđê- Kyua klei hmăi mơ̆ng adiê hjan angĭn êbŭ mrô 5, mâo đa đa anôk ti čar Dak Lak mâo hjan prŏng lehanăn êa lip. Ti kdriêk Lak, sa hlăm dŭm đang mdiê prŏng hĭn hlăm čar, mâo truh kơ 230 ha mdiê êa lip, mnuih ƀuôn sang dôk ngă mjêč bruă wiă mdiê anôk êa lip. Nguyễn Viết Quang, khua kiă kriê adŭ bruă lŏ hma lehanăn mđĭ kyar krĭng ƀuôn sang kriêk Lak brei thâo, êa mơ̆ng akŏ êa đĭ hmar ti êa krông Krông Ana lehanăn dŭm hnoh êa Dak Phơi, Dak Liêng, ngă kơ dŭm ha mdiê êa lip, lu hĭn jing 3 să Dak Liêng, Ƀuôn Triết, Buôn Triă lehanăn mĭn tĭng ênhă mâo êa lip srăng lŏ đĭ hmar.

Anôk bruă djŏ tuôm bi mguôp leh hŏng bruă sang čư̆ êa dŭm alŭ ƀuôn Ƀuôn Triết, Buôn Triă lehanăn să Dak Liêng tĭng mkă ênhă mdiê mâo klei hmăi čiăng mâo grŭ kruăk đru tui si hdră mtrŭn mrô 2 thŭn 2017 mơ̆ng knŭk kna.

Pô mblang: Y-Khem Niê