VOV4.Êđê - Hluê si Anôk gĭt gai hdră mdrơ̆ng hŏng klei yan adiê ngă čar Dak Lak, angĭn êbŭ mrô 5 lehanăn angĭn mơ̆ng Yŭ Dhŭng hlăm dŭm hruê êgao ngă dŭm alŭ wăl êngăp êa lehanăn klưh lăn ti dŭm ktuê êlan mlir să Nam Ka - Ea Rbin, ti kdriêk Lăk. Čar gĭt gai leh dŭm knơ̆ng, dhar bruă, alŭ wăl mđĭ hĭn hdră gang mkhư̆, mdrơ̆ng hŏng klei truh jŭ jhat mơ̆ng yan adiê, boh nik hlăm wưng klei ruă Covid 19 dôk mâo dleh dưi ksiêm dlăng, rơ̆ng klei suaih pral lehanăn bi hrŏ klei luič liê ngăn drăp mnuih ƀuôn sang.

Dŭm êpul êya, anôk bruă ksiêm dlăng, čih mkra dŭm hdră mdrơ̆ng hŏng gưl adiê hjan, êa lip djŏ guôp hŏng klei mâo mơ̆ng grăp alŭ wăl hluê hdră 4 tinăn mtam, boh nik ti dŭm krĭng kreh mâo klei êa lip, êngăp êa, klưh lăn. Anôk gĭt gai hdră gang mkhư̆ klei truh jŭ jhat mơ̆ng yan adiê ngă lehanăn tui duah mnuih mâo klei truh čar Dak Lak brei thâo, čar mkŏ mjing leh êbeh 180 êpul ba anăp čiăng pral mdrơ̆ng hŏng klei truh jŭ jhat mơ̆ng yan adiê./.

H Nêč pô mblang