VOV4.Êđê- Leh 28 hruê dôk mdrao klei ruă tưp Covid-19 ti sang êa drao hnak leh anăn klei ruă ksŏ čar Dak Lak, hruê mbruê, pô ruă Y.N.N (91 thŭn, dôk ti ƀuôn Đrao, să Čư̆ Nĕ, kdriêk Krông Ƀŭk, čar Dak Lak) dưi wĭt leh kơ pưk sang. Pô ruă anei mâo klei ruă êlâo msĕ si hnơ̆ng êrah đĭ, klei ruă dăl ksŏ mâo thâo hlao. Hlăm klei mdrao mgŭn, pô ruă anei bi êwa hŏng masin osi lu hruê mmông. Pô ruă anei jing sa čô khua thŭn hĭn hlăm mmông anei ti čar Dak Lak dưi mdrao hlao klei ruă tưp Covid-19. Anei jing klei hơ̆k mơak hŏng pô ruă, gŏ sang, leh anăn jing klei gĭr mơ̆ng knơ̆ng bruă mdrao mgŭn čar Dak Lak hlăm bruă gang mkhư̆ klei ruă tưp Covid-19 leh anăn klei mdrao mgŭn. Kriê dlăng mnuih mâo klei ruă tưp. truh kơ 4 mmông tlam mbruê, čar Dak Lăk mâo 1745 čô mnuih ruă, hlăm anăn mâo 1183 čô mnui ruă dưi mdrao hlao.

Pô mblang: Y-Ƀel Êban