VOV4.Êđê - Čar Dak Nông ară anei mâo giăm 11 êbâo ha lăn pla mjing djam mtam, boh kroh djăp mta. Hŏng hnơ̆ng mâo hlăm brô 176 êbâo ton. Hluê si klei ksiêm yap mơ̆ng anôk bruă lŏ hma čar mơ̆ng ară anei truh mlan 11 mâo hlăm brô 43 êbâo ton djam mtam, boh kroh, boh durian, boh ƀơr mnuih ngă lŏ hma čiăng ba čhĭ, đăo tĭng mâo hlăm brô 900 ton hlăm grăp hruê. Khă snăn, kyua hmăi mơ̆ng klei ruă Covid 19 anăn bruă ba čhĭ lehanăn hrui blei mnơ̆ng lŏ hma tuôm hŏng lu klei dleh dlan.

Lu đang war ka dưi duah anôk hrui blei, mnuih hrui êmiêt kăn mâo. Knơ̆ng mđĭ kyar bruă lŏ hma čar Dak Nông brei thâo, ară anei anôk bruă lŏ hma čar Dak Nông mkŏ mjing leh êpul đru, bi hgŭm hlăm hdră hrui blei mnơ̆ng lŏ hma ti alŭ wăl. Hluê anăn, êbeh 3 hruê kăm anei êbeh 4 êbâo ton djam mtam, boh kroh dưi ba čhĭ, 4 êbâo ton boh durian lehanăn êbeh 3 êbâo ton boh ƀơr mâo leh anôk bruă lŏ hma mơ̆ng čar bi hgŭm ba čhĭ, hrui blei./.

H Nêč pô mblang