VOV4.Êđê- Hruê 30/9, Êpul kriê dlăng êlan pui kmlă Dak Nông ngă leh bruă “Mkra mlih êlan pui kmlă 110kV Dak Song – Čư̆ Jŭt lehanăn hdră mkŏ hlăm Anôk mđĭ mtrŭn pui kmlă 110kV Dak Song”. Giăm 4 mlan, êpul anei mkra mbĭt anăn bi mlih leh ti 50 anôk mkŏ, hŏng 270 kdrăp krơ̆ng hŏng msei bi hrô hŏng kdrăp mkra hŏng polymer.

Dưi thâo, êlan pui kmlă 110kV Dak Song – Dak Mil - Čư̆ Jŭt dưi ba yua mơ̆ng thŭn 2010, jing phŭn mkăp pui kmlă tal dua mkăp kơ hdră mđĭ kyar bruă duh mkra ala ƀuôn čar Dak Nông. Êbeh 10 thŭn, êlan pui kmlă anei mâo lu anôk jhat, amâo rơ̆ng kjăp klei êđăp ênang, boh nik hlăm yan hjan. Bruă mkra mlih anei srăng gang mkhư̆ klei truh amâo jăk kyua grăm kmlă, rơ̆ng klei êđăp ênang hlăm bruă mkăp pui kmlă ti alŭ wăl čar Dak Nông./.

Pô mblang: H’Nêč Êñuôl