VOV4.Êđê- Ngă klei gĭt gai ktang phĭt, ruh mgaih klei kpăk êgun, knŏng êbeh sa mlan, čar Dak Nông pral bi leh bruă čan prăk knŭk kna duh bi liê truh kơ 70%, lu hĭn mkă hŏng ênoh kah knar hlăm ala čar. Yap truh kơ mlan 10, čar Dak Nông brei čan duh bi liê mơ̆ng knŭk kna truh kơ 1.500 êklai prăk, giăm 70% ênoh prăk dưi jao thŭn 2021.

Klei năng lač hĭn jing knŏng mrâo êbeh sa mlan, hlăk hruê 25/8, čar anei knŏng mrâo brei čan ka mâo ôh 40%. Klei ngă pral bruă brei čan anăn kyua mâo klei gĭt gai ktang phĭt mơ̆ng bruă sang čư̆ êa alŭ wăl. Bruă sang čư̆ êa čar Dak Nông brei thâo, ară anei lŏ dôk ksiêm dlăng, mlih ênoh prăk duh bi liê mơ̆ng knŭk kna mâo klei brei čan ƀiă kơ dŭm hdră mkăp mâo klei čiăng bi mbŏ prăk, ksiêm dlăng, ruh mgaih klei kpăk gun, mtrŭt mjhar phung duh bi liê, dŭm alŭ wăl dlăng kơ klei găl yan adiê knhal jih thŭn anei čiăng bi hmar klei ngă bruă.

Pô mblang: Y-Ƀel Êban