VOV4.Êđê- Mơ̆ng hrue 2/10 – 6/10, čar Daklak lŏ dơ̆ng tŭ mă giăm 17 êbâo čô mnuih mơ̆ng ƀuôn prŏng Hồ Chí Minh wĭt kơ alŭ wăl, hlăm ênoh anei mâo leh lu mnuih mâo tlŏ leh aruăt tal êlâo vaccine gang mkhư̆ klei ruă tưp Covid 19, hlăm ênoh phung wĭt anăn leh truh kơ Daklak mâo 68 čô F0 mdrao hlao leh, lehanăn 1224 čô mnuih mâo tlŏ leh aruăt tal dua, lehanăn giăm 5 êbâo čô mnuih mâo tlŏ leh aruăt tal 1, snăn jing čar srăng lŏ mprăp bi ênŭm kơ ênoh adôk amra lŏ tlŏ. Čiăng kơ jih jang mnuih mâo tlŏ leh vaccine dưi lŏ tlŏ bi ênŭm aruăt tal 2 djŏ hŏng wưng kčah, Daklak srăng yap jih jang mnuih leh tlŏ tui hlue mdê bi mta êa drao, mơ̆ng klei anăn srăng mâo dŭm hră mơar akâo kơ knŭk kna thiăm mbŏ vaccine bi djŏ./.

Pô mblang: Y-Ƀel Êban