VOV4.Êđê - Kha\  brua\ pui kmla\ kha\ng mtô mblang, hưn răng nanao klei hu\i hyưt, đa truh nga\ hra\ m’ar brei brua\ knu\k kna nah gu\ bi hgu\m msir mkra, [ia\ ti Daklak a\t mâo du\m êtuh klei nga\ soh ho\ng kp^ng êlan êđa\p ênang klei pui kmla\. Pô c\ih klei mrâo dôk jưh ti kr^ng Dap Kngư mâo klei hâo hưn:

Hluê si klei t^ng yap mơ\ng Knơ\ng brua\ Pui kmla\ Daklak mơ\ng ako\ thu\n truh kơ ara\ anei, ti alu\ wa\l mâo 114 hdra\ brua\, sang dôk nga\ soh ho\ng bir êlan êđa\p ênang klei pui kmla\. Du\m brua\ nga\ soh lu jing  pơ\ng tôl sang jum dar gơ\ng pui kmla\ ktang, tơ mâo klei truh pui [ơ\ng mtuh amâodah  kbia\ pui ti êngao hla\m yan hjan jing hu\i hyưt êdi.

Êngao kơ ana\n, klei nga\ soh ho\ng kp^ng êlan êđa\p ênang klei pui kmla\  ti du\m kr^ng wa\l dliê hrông, đang ksu, kphê, tiêu a\t dôk mâo lu mơh. Bùi Khắc Dũng, Khua Adu\ brua\ kỹ thuật Êđa\p ênang, Knơ\ng brua\ Pui kmla\ Daklak brei thâo: thu\n anei, kluôm c\ar msir mkra leh mâo 26 klei nga\ soh, lu jing kyua mơ\ng brua\ pui kmla\ c\o\ng nga\ mkra.

Du\m ênoh adôk bi nga\ leh hra\ m’ar ba m’^t kơ gra\p go\ êsei nga\ soh, mb^t ana\\n brei brua\ knu\k kna nah gu\ bi hgu\m msir mkra, [ia\ ara\ anei a\t adôk 88 go\ êsei ka hluê nga\ ôh. Mb^t ho\ng hdra\ mtô mblang, iêo lac\ mtru\t mjhar, brua\ pui kmla\ a\t c\ih mkra leh mơh hdra\ kc\ah msir mghaih hla\m wưng ti ana\p:

“ Lu du\m klei soh tru\n hro\ jing kyua brua\ pui kmla\ pral thâo ba hla\m hdra\ brua\ lo\ w^t mkra pro\ng, điêt leh ana\n ru\ mdơ\ng phu\n ho\ng hdra\ jing ba mbe\ đue#, mkra mlih, bi mđ^, mbe\ nao kơ anôk mka\n amâodah bi mlih hrô klei luôm…. Lu hdra\ msir kơ brua\ hdra\ mnêc\. Bi klei bi hgu\m mơ\ng mnuih [uôn sang gơ\ mâo hnơ\ng mơh, jing kyua klei thâo săng mơ\ng mnuih [uôn sang. Adôk a\t c\ih mkra hdra\ kc\ah ba hla\m hdra\ lo\ w^t mkra gra\p thu\n c\ia\ng msir mghaih, [rư\ hro\ ênoh adôk ana\n.”

H’Nga pô c\ih – H’Nêc\ ra\k.