Čar ăt kčah klei kñăm klă klơ̆ng bi liê hlue si gưl. Knơ̆ng bruă sang čư̆ êa čar Lâm Đồng mtă kơ dŭm knơ̆ng, dhar bruă, alŭ wăl leh anăn pô bi liê mđĭ klei bhiăn kjăp, hlăm klei bi liê knŭk kna; bi mklă bruă klam pô ba anăp leh anăn knuă druh ktuê dlăng grăp hdră bruă. Knơ̆ng bruă sang čư̆ êa čar Lâm Đồng jao kơ Knơ̆ng bruă kriê dlăng bruă knuă gĭt gai, bi hgŭm hŏng dŭm anôk bruă djŏ tuôm mđĭ ksiêm dlăng bruă bi liê knŭk kna; kčĕ msir mgaih bi jăk klei ngă soh, amâo bi leh bruă klam.

Mbĭt anăn, ksiêm dlăng klei kčĕ hŏng Knơ̆ng bruă sang čư̆ êa čar mơ̆ng boh tŭ bi liê knŭk kna čiăng mjing klei găl, hnơ̆ng čuăn ksiêm dlăng, msir mgaih, ruah knuă druh hlăm wưng kơ anăp. Thŭn 2026 ênoh bi liê knŭk kna čar Lâm Đồng êbeh 20 êbâo êklai prăk. Truh knhal jih mlan 4, čar Lâm Đồng mrâo hlue ngă êbeh 875 êklai prăk, ka mâo 10% hdră kčah./.