Aguah mbruê 13/5, hlăm gưl bi ruê̆ klei kƀĭn prŏng phung bi ala kluôm ala mặt trận čar kwar Việt Nam gưl tal 11, wưng thŭn 2026 - 2031, bi ala êpul khua gĭt gai dhar bruă gưl dlông mặt trận čar kwar Việt Nam, Hà Thị Nga, k’iăng khua kiă kriê - Khua čih hră Dhar bruă gưl dlông mặt trận čar kwar Việt Nam gưl tal 11 hưn mdah leh boh tŭ dưn klei kƀĭn trong gưl tal 1 mơ̆ng Dhar bruă dưl dlông mặt trận čar kwar Việt Nam gưl 11, wưng thŭn 2026 - 2031.

Khua hlăm bruă Đảng gưl dlông, Khua bruă Đảng mặt trận čar kwar, dŭm Êpul bruă gưl dlông, khua Dhar bruă dưl dlông mặt trận čar kwar Việt Nam gưl 10 Bùi Thị Minh Hoài, lŏ dơ̆ng djŏ ruah păn ngă Dhar bruă dưl dlông mặt trận čar kwar Việt Nam gưl 11, wưng thŭn 2026 - 2031.

Blŭ hrăm păn ngă bruă klam, khua Dhar bruă dưl dlông mặt trận čar kwar Việt Nam gưl 11 Bùi Thị Minh Hoài ƀuăn krơ̆ng kjăp knhuah hdĭp kđi čar, jih ai tiê, bi lar klei êngiê, klei thâo mĭn, bi myuôm ai tiê bruă klam, gĭr ktưn bi leh djăp bruă klam dưi jao. Mbĭt hŏng ană, krơ̆ng kjăp klei bi mguôp, sa ai, mbruă, mlih mrâo, ngă hrăm mbĭt dŭm hdră êlan čiăng ngă tŭ jing hdră mtrŭn klei kƀĭn prŏng mâo leh, đru bi kjăp klei bi mguôp djuê ana, bi klă bruă klam, kơhưm mơ̆ng mặt trận čar kwar Việt Nam hlăm wưng cách mạng mrâo.