Myưng mơang knăm myơr brui mgưi, bi hdơr kơ phung jhŏng ktang djiê êngiă Gạc Ma
Thứ năm, 03:00, 14/05/2026
VOV Tây Nguyên
VOV Tây Nguyên
VOV.Êđê- Aguah mbruê 13/5, Ti wăl anôk bi hdơr lĭng kahan Gạc Ma (čar Khánh Hòa), Êpul ngă bruă mrô 17 nao čuă leh anăn mă bruă ti đa đa plao ksĭ hlăm anôk bruă Knơ̆ng Trường Sa (čar Khánh Hòa) leh anăn sang ktir êa pui DK1 mkŏ mjing leh knăm myơr brui mgưi bi hdơr 64 knuă druh, kahan êa Việt Nam jhŏng ktang djiê êngiă hlăm boh klei Gạc Ma hruê 14/3/1988.
Êpul ngă bruă mơ̆ng Nguyễn Duy Thiều, k’iăng khua kiă kriê Bruă đruh - hdră mnêč, Anôk bruă đru nah tluôn - hdră mnêč kahan êa jing khua êpul mbĭt hŏng phung hgŭm nao myơr mnga, brui mngưi ti knưng bi hdơr “Phung êbuh leh ti jơ̆ng lăn”, mâo mbĭt bi hdơr leh anăn klei hdơr amâo mâo knhal hŏng klei săn asei jhŏng ktang mơ̆ng 64 čô knuă druh, kahan êa Việt Nam.
Bruă anei bi êdah hdră bhiăn “Mnăm êa hdơr kơ hnoh”, bi hdơr kơ phung anak êdah êdi mơ̆ng djuê ana myơr leh thŭn mda asei leh anăn êrah klang kơ bruă răng mgang klei dưi kiă kriê êa ksĭ, plao ksĭ mơ̆ng lăn čar.
Viết bình luận