Ti knăm anei, Khua knŭk kna čang hmăng dua tĭng bi hgŭm kjăp pŏk ngă tŭ dưn klei thâo săng mbĭt dưi mâo plah wah dua čô Khua gĭt gai Đảng, Khua lăn čar; boh nik krơ̆ng kjăp klei bi mjĕ gưl dlông jăk siam, mtrŭt mđĭ hdră bi hgŭm tŭ dưn hlăm djăp mta ra bruă, gĭr hluê ngă tŭ dưn dŭm mta kñăm mđĭ kyar mơ̆ng grăp ala čar.

Khua knŭk kna mtă kơ China sa ai, mjing klei găl čiăng kơ Việt Nam nao hgŭm tŭ dưn hlăm hdră “Kah mbha wăl anôk mnia mblei prŏng – Ba čhĭ kơ ala čar China”, pŏk ƀăng hŏng dŭm mta mnơ̆ng lŏ hma, mnơ̆ng rông mơ̆ng Việt Nam; mtrŭt mđĭ klei bi hgŭm hlăm bruă kreh knhâo, kdrăp mrâo, bruă mtô bi hriăm, čih mkra hdră kčah klă klơ̆ng čiăng pŏk ngă Thŭn bi hgŭm bruă hiu čhưn ênguê Việt Nam – China 2026 – 2027; mđĭ klei bi hgŭm hlăm bruă mdrao mgŭn./.