Aguah anei (13/5), Klei bi kƀĭn prŏng phung bi ala bruă mặt trận kluôm ala  Việt Nam tal 11, wưng thŭn 2026-2031 ngă leh klei bi kƀĭn bi ruĕ. Klei bi kƀĭn prŏng hŏng akŏ: “Bi mguôp –Ngă phŭn êngiê – mlih mrâo – hŏng klei knhêč – mđĭ kyar” mâo bi trông lehanăn ksiêm wĭt jih jang bruă knuă hlăm dŭm gưl mnuih ƀuôn sang, lehanăn klei thâo bi mguôp jih jang djuê ana, boh tŭ dưn klei hluê ngă hdră mtrŭn, hdră mă bruă mơ̆ng bruă mặt trận čar kwar gưl dlông Việt Nam gưl 10, wưng thŭn  2024-2026, bi tŭ ư hdră êlan mtă kñăm, kơ klei mă bruă mơ̆ng bruă mặt trận čar kwar gưl dlông Việt Nam wưng thŭn 2026-2031; mlih mrâo, thiăm mbŏ đa đa mta mơ̆ng bruă mặt trận Việt Nam; klei bi kƀĭn tal sa mơ̆ng êpul khua kiă kriê bruă mặt trận čar kwar gưl dlông Việt Nam, Êpul khua kiă kriê, êpul knơ̆ng gĭt gai, khua păn bruă mơ̆ng dŭm êpul bruă hlăm bruă mặt trận čar kwar gưl dlông Việt Nam wưng thŭn 2026-2031.

Klei bi kƀĭn prŏng mâo ruah leh 397 čô dôk hlăm êpul khua kiă kriê gưl dlông bruă mặt trận Việt Nam gưl 11, wưng păn bruă 2026-2031 (kƀah 8 čô, srăng lŏ bi kjăp, lehanăn thiăm mbŏ hlăm wưng păn bruă tơdah leh mâo klei găl). Hlăm anăn, lŏ dơ̆ng djŏ ruah 309 čô mnuih (ti hnơ̆ng 77,8%), mgơ̆ng mrâo jing 88 čô mnuih (ti hnơ̆ng 22,2%). Leh mâo klei bi kƀĭn trông čhai mơ̆ng dhar bruă kiă kriê gưl dlông bruă mặt trận gưl dlông Việt Nam gưl 11, wưng păn bruă 2026-2031, Anôk bruă kiă kriê bruă mặt trận gưl dlông Việt Nam gưl 11, mkŏ mjing mtam klei bi kƀĭn bi trông tal sa. Tui si hdră, ti anôk bi ruĕ klei bi kƀĭn, Êpul khua kiă kriê klei bi kƀĭn prŏng mâo klei hâo mdah boh tŭ dưn klei bi kƀĭn bi trông gưl tal sa, lehanăn bi êdah anăn phung khua kiă kriê anôk bruă mặt trận gưl dlông Việt Nam gưl XI.