Tui si phung truăn kơ bruă, phung khua kiă kriê khă dah mâo klei găl prŏng, Daklak ăt tuôm hŏng lu klei dleh dlan, msĕ si klei luič ram lăn dliê, bruă lŏ hma kƀah klei mđĭ kyar kjăp, klei ktrŏ mơ̆ng klei bi mlih yan adiê, lehanăn ƀrư̆ hrue ƀrư̆ klei blei yua mnơ̆ng hlăk hlê čoh čuăn kơ hnơ̆ng jăk, djăp ênoh čuăn doh, bi hrŏ klei bi kbiă êwa čhŏ.

Čiăng dưi mâo klei mđĭ kyar bruă duh mkra doh mtah, Daklak mđĭ hĭn klei dưn yua hdră êlan mă bruă nao mđrĭng hŏng bruă răng mgang wăl hdĭp mda, mđĭ kyar hlue hdră êlan ƀrư̆ ƀrư̆, lŏ bi hluă mrâo dliê kmrơ̆ng, bi djŏ hnơ̆ng čoh čuăn kơ êwa   carbon, mâo klei bi mguôp kjăp plah wah bruă kriê pioh dhar kreh, hiu čhưn ênguê nao hŏng lăn ala êa ksĭ dliê kmrơ̆ng. Đặng Thị Thủy, K'iăng khua knơ̆ng bruă lŏ hma, wăl hdĭp mda čar Daklak brei thâo klei mđĭ kyar bruă duh mkra mtah doh, lehanăn kjăp amâo mâo djŏ knŏng jing hdră êlan srăng ngă ti anăp, ƀiădah lŏ jing bruă mjêč kơ čar Daklak kruak čua hdră êlan mghaih msir mtam kơ dŭm ênoh čuăn mđĭ kyar kjăp./.