Yan hjan giăm truh, lu ktuê êlan ti Lâm Đồng ka dưi bi leh bruă msir mghaih anôk klưh hroh
Thứ tư, 11:03, 13/05/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê – Yan hjan thŭn 2026 truh giăm ƀiădah lu ktuê êlan ti čar Lâm Đồng ka dưi bi leh bruă msir mghaih klei klưh hroh, jhat rai mơ̆ng yan hjan thŭn êlâo, arưp ngă luič klei êđăp ênang êlan klông lehanăn ba lu klei truh amâo jăk tơdah adiê hjan prŏng.
Êdah êdi jing Êlan dơ̆ng prŏng mrô 20, ti kčŭn čư̆ Dran mkŏ Đà Lạt hŏng Phan Rang, truh ară anei, êbeh leh 6 mlan leh klei klưh hroh 60.000m3 lăn boh tâo, bruă msir mghaih ka dưi ngă leh mơh.
Ti anôk klưh hroh, anôk bruă djŏ tuôm mkhư̆ leh êdah mdiăng mnơ̆ng 5 ton nao găn kban lehanăn ară anei dôk huĭ dlưh kban kyua klưh hroh leh tĭng ta luy âm. Hlăk êjai anăn, ti kčŭn čư̆ Prenn, ƀăng jang nah Ngŏ mŭt hlăm Đà Lạt, khădah dưi msir mghaih leh anôk klưh hroh ƀiădah lu anôk ti taluy dương arưp huĭ srăng klưh hroh brei msir mghaih êlâo kơ yan hjan. Nguyễn Thanh Long, Kơiăng khua knơ̆ng bruă rŭ mdơ̆ng čar Lâm Đồng brei thâo, hdră msir mghaih anôk klưh hroh lehanăn klei jhat rai êlan klông ti alŭ wăl adôk êmưt mkă hŏng boh klei dôk mâo./.
Viết bình luận