VOV4.Êđê- Aguah mbrue (18/10), tui si anôk bruă kiă kriê klei ruă CDC Daklak brei thâo, hlăm ƀuôn prŏng lŏ mâo sa anôk mâo klei ruă tưp hlăm yang ƀuôn anăn jing ti sang mnia mkăp mnơ̆ng phŭn kơ ƀuôn prŏng ti Tân Hoà, ƀuôn hgŭm Tân Hoà, ƀuôn prŏng Ƀuôn Ama Thuôt, mâo 12 čô mnuih mâo kman sar CoV 2.

Hlue anăn hlăm hrue 17/10 P.M.T 48 thŭn, dôk ti êlan Xô Viết Nghệ Tĩnh, ƀuôn prŏng Ƀuôn Ama Thuôt jing pô ngă bruă dŭ suai mnơ̆ng ti sang mnia anei nao kơ sang êa drao ƀuôn hgŭm Tân Hoà mkă dlăng snăn djo kman Sar CoV 2. Leh lŏ mkă hŏng PCR bi klă jing mâo kman. CDC Daklak bi hgŭm leh hŏng sang êa drao ƀuôn hgŭm Tân Hoà lŏ mkă dlăng tui duah mnuih ñu bi tuôm snăn leh test pral mâo truh 11 čô mnuih mâo kman, hlăm anăn mâo 6 čô jing mnuih hlăm sang mnuih ruă anăn, lehanăn 5 čô jing mnuih mnia mblei hlăm sang mnia anăn./.

Pô mblang: Y-Khem Niê