VOV4.Êđê- Tlam mbrue (18/10), lê Quang Bất, khua knơ̆ng bruă sang čư̆ êa să Êa Tul, kdriêk Čư̆ Mgar, čar Daklak hưn, hlăm sa mrâo mâo sa klei hđeh djiê mngăt hlăm êa bŏ hŏng klei pap êdi, anăn digơ̆ jing Y-Tiên Mlô 11 thŭn, lehanăn Y-Ziêm Niê, 8 thŭn hdĭp ti ƀuôn Tu, să Êa Tul, kdriêk Čư̆ Mgar, čar Daklak. Dua čô hđeh anei bi jak hlăm hlăp ênao êa Triă, să Êa Tul tơl truh mmăt amâo mâo ƀuh wĭt. Ƀuh anak amâo mâo wĭt, găp djuê lehanăn jih jang mnuih bi duah hlăm djăp anôk.

Bi ala Knơ̆ng bruă sang čư̆ êa să Ea Tul nao êmuh hrăm, myơr mnơ̆ng đru kơ gŏ sang phung mâo klei truh

Truh aguah mbrue (18/10) ƀuh čhum ao digơ̆ ti hang êa, snăn brei lu mnuih hiu êwư hlăm êa lehanăn mâo mă asei mlei digơ̆ ba kơ hang. Leh hmư̆ klei truh jŭ jhat anei, bruă sang čư̆ êa lehanăn êpul êya nao mđĭ ai, čuă êmuh, mđup brei mnơ̆ng kơ gŏ sang mkŏ mjing klei dơr. Klei hđeh djiê mngăt hlăm êa kreh mâo jêñ jêñ ti lăn Dap Kngư drei, anei jing klei mtă kơ jih jang amĭ ama, găp djuê, lehanăn yang ƀuôn bi răng kriê anak aneh hŏng klei mngăt hlăm êa./.

Pô mblang: Y-Khem Niê