VOV4.Êđê - 136 čô mnuih hlăk dôk hdĭp lehanăn mă bruă ti car Tây Ninh wĭt truh leh kơ Daklak lehanăn mâo ba bi ktlah sa anôk djŏ hŏng mta mtrŭn pioh gang mkhư̆ klei ruă tưp. Leh truh kơ čar Daklak, jih jang ênoh mnuih anăn ba kơ anôk mjuăt bi hriăm bruă lĭng kahan sang hră Gưl prŏng Tây Nguyên lehanăn mkă dlăng kman.

Boh tŭ dưn mkă dlăng tal êlâo jih jang 136 čô anăn amâo mâo ƀuh kman ôh. Čiăng đăm lĕ hlăm klei bi mtư̆p hdơ̆ng găp, jih jang mnuih mbha dôk hlăm dŭm boh adŭ mdê mdê hlue hŏng ênoh leh tlŏ vaccine. Êjai dôk hlăm klei bi ktlah grăp čô mnuih tui hlue hŏng klei leh tlŏ mgang, lehanăn boh tŭ dưn mka dlăng kman. Truh ti wưng anei čar Daklak ka lŏ ngă ôh drông mnuih wĭt êjai boh klei ti dŭm čar nah Dhŭng, kyua adôk kƀah mnơ̆ng mnuă mă nbruă hlăm alŭ wăl bi ktlah răng dưi êđăp ênang kơ klei răng mgang./.

Y Khem pô mblang