VOV4.Êđê- Ti čar Daknông, leh sa wưng amâo lŏ bluh đĭ, klei ruă tưp kơ ŭn mâo anăn pia ô̆ eh afrĭk lŏ dơ̆ng mâo leh ti đa đa alŭ wăl. Kñăm gang mkhư̆ klei ruă tưp anei đĭ lar, bruă sang čư̆ êa lehanăn dŭm dhar bruă djŏ tuôm hlăk jih ai tiê yua djăp hdră čưal krĭng, ba čuh bi rai dŭm drei ŭn mâo klei ruă. Ară anei čar Daknông mâo leh 4 kdriêk jing: Tuy Đức; Dak Rlâp; Dak Glong; Dak Song lŏ mâo klei ruă tưp anei kơ ŭn. Hlăm anăn, ti kdriêk Dak Song mâo leh 5 anôk mâo ti 5 boh alŭ dôk hlăm 3 să Dak Ndrung; Đăk Hoà, lehanăn Thuận Hạnh.

Anôk mâo klei ruă tưp prŏng hĭn jing hlăm gŏs ang Nguyễn Xuân Thủy ti să Quảng Khê, kdriêk Dak Glong mâo êbeh 80 drei ŭn ruă hlăm anăn mâo leh 52 drei djiê. Dhar bruă mdrao mgŭn mnơ̆ng rông mă mta ba mkă dlăng kman mơĭt kơ anôk bruă mdrao mgŭn mnơ̆ng krông krĭng 4, mkă dlăng kman lehanăn thâo jing djŏ kman klei ruă tưp ô̆ eh afrĭk. Truh kơ ară anei, ti dŭm alŭ wăl hlăm čar Daknông êpul bruă djŏ tuôm ngă leh bruă ba bi rai êbeh 160 drei ŭn ruă hŏng boh ktrŏ jih jang giăm 5 êbâo 800 kg./.

Pô mblang: Y-Khem Niê