VOV4.Êđê- Lŏ čuê klei kƀĭn tal 4, aguah anei, dhar bruă gĭt gai bruă kƀĭn ala kƀĭn hgăm, brei boh blŭ dŭm lei hưn mdah mơ̆ng knŭk kna kơ boh tŭ dưn ngă hdră mđĭ kyar bruă duh mkra ala ƀuôn leh anăn tĭng mkă ngăn prăk knŭk kna thŭn 2021, hdră mđĭ kyar bruă duh mkra ala ƀuôn thŭn 2022, tĭng mkă ngăn prăk knŭk kna leh anăn hdră êlan bi mbŏ ngăn prăl gưl dlông thŭn 2022. Bruă kñăm hlăm hdră mkăp hlăm bruă krŭ wĭt bruă duh mkra wưng thŭn 2021-2025 jing srăng mâo klei mlih klă hlăm klei bi mhô đi kyar knang kơ bruă mđĭ hnơ̆ng, hnơ̆ng tŭ dưn, ai dưi hlăm anôk mnia mblei.

Mbĭt anăn, mđĭ boh tŭ dưn hlăm bruă yua ai dưi, čŏng ngă mă pô leh anăn klei bi djŏ hŏng bruă duh mkra, ƀrư̆ hruê ƀư̆ truh kơ bruă duh mkra hŏng klei kreh knhâo mrâo mrang, mlih mrâo klei ngă bruă, bi kjăp tur knơ̆ng bruă prŏng, mâo klei êbeh dlai hlăm hdră êlan leh anăn klei thâo bi mlih čiăng bi mdrơ̆ng hŏng dŭm klei hlăm tač êngao.

Pô mblang: Y-Ƀel Êban