VOV4.Êđê- Blŭ pŏk klei bi kƀĭn tal 4 mơ̆ng dhar bruă gĭt gai bruă kƀĭn ala aguah mbruê, khua bruă kƀĭn ala Vương Đình Huệ mñă klă dŭm mta phŭn dưi brei boh blŭ hlăm klei kƀĭn. Năng mđing hĭn, hlăm klei kƀĭn anei, dhar bruă gĭt gai bruă kƀĭn ala brei boh blŭ kơ hdră mkŏ mjing bruă duh mkra wưng thŭn 2021-2025, klei čuăl mkă yua lăn ala wưng thŭn 2021-2030, hdră tă truh kơ thŭn 2050 leh anăn hdră êlan yua lăn 5 thŭn 2021-2025. Klei kƀĭn ăt brei boh blŭ kơ bruă mprăp kơ klei kƀĭn gưl tal, hlăm anăn mâo wăt bruă đru kcĕ dŭm klei mlih mrâo dưn yua hlăm klei kƀĭn gưl tal 2 leh anăn bruă mkŏ mjing dŭm klei ksiêm êmuh leh anăn wĭt lač hlăm klei kƀĭn.

Hlăm klei hưn mdah bi mklin boh blŭ, klei blŭ mơ̆ng phung bi ala leh anăn mnuih ƀuôn sang mơĭt hlăm klei kƀĭn gưl ta l, phung bi ala hmăng hmưi dlăng klă kơ klei sĭt, mă klei hriăm hŏng dŭm mtă phŭn gĭt gai ka djŏ guôp, ka bi tŭ ư, dŭm bruă dôk kpăk êgun, êmưt… hmăng hmưi kơ knŭk kna leh anăn dŭm alŭ wăl ngă klei găl dưi dŭ mdiăng mnơ̆ng dhơ̆ng, kdrăp yua čiăng rơ̆ng kơ bruă duh mkra, mnia mblei.

Pô mblang: Y-Ƀel Êban