VOV4.Êđê - Tlam mbruê, Dhar bruă gĭt gai Bruă kƀĭn ala mjưh ruê̆ klei bi kƀĭn tal 3. Blŭ hrăm mjưh ruê̆ klei bi kƀĭn tal 3, Khua bruă kƀĭn ala Vương Đình Hụê lač, hlăm klei bi kƀĭn Dhar bruă kƀĭn ala brei klei blŭ mguôp kơ 6 hră čih hdră bhiăn leh anăn lu boh phŭn yuôm bhăn mkăn. Kơ bruă mprăp kơ klei bi kƀĭn tal 2, brei dưi mprăp jăk hĭn bruă răng mgang klei êđăp ênang gang mkhư̆ klei ruă tưp, rơ̆ng dŭm hdră msir mgaih kơ phung nao hlăm kei bi kƀĭn. Êlâo anăn, hlăm tlam 22/9, leh ksiêm dlăng, bi mklă hdră ba yua ênoh khăt bi hrŏ, mkiêt mkriêm prăk knŭk kna gưl dlông thŭn 2021, Dhar bruă gĭt gai bruă kƀĭn ala brei ba 14 êbâo 620 êklai prăk hlăm prăk knŭk kna gưl dlông čiăng yua kơ hdră gang mkhư̆ klei ruă tưp.

Ăt hlăm tlam 22/9, hŏng 100% čô hlăm Dhar bruă gĭt gai Bruă kƀĭn ala nao hlăm klei bi kƀĭn tŭ ư, mâo bi mklă Hdră mtrŭn mkŏ mjing ƀuôn prŏng Từ Sơn, čar Bắc Ninh.

H Zawut pô mblang