VOV4.Êđê - Lŏ čuê klei kƀĭn tal 3, aguah mbruê, brei boh blŭ kơ bruă hưn mdah klei ngă bruă thŭn 2021 lehanăn hdră êlan tĭng mkă thŭn 2022 mơ̆ng knơ̆ng bruă tĭng mkă knŭk kna. dhar bruă kƀĭn ala mtă kơ knơ̆ng bruă tĭng mkă ala čar kñăm kơ bruă tiŏ nao, kah mbha lehanăn yua ai dưi kơ bruă gang mkhư̆ klei ruă tưp Covid-19. Hlăm klei kƀĭn, khua bruă kƀĭn ala Vương Đình Huệ mtă ngă bruă klă mngač, ênuah ênô hlăm bruă tĭng mkă, čiăng hyuă kjăp klei ƀuah mkra, mâo klei bhiăn kơ bruă ngăn prăk. Bi kơ hdră tĭng mkă thŭn 2022, khua bruă kƀĭn ala mtă, bruă kñăm mbĭt jing mă klei mđĭ bi kjăp tur knơ̆ng bruă duh mkra prŏng jing tal êlâo hĭn, ngă djŏ klei bhiăn, klei ƀuah mkra kơ bruă ngăn prăk, rơ̆ng kjăp prăk nư lăn čar, mgaih msir nư jhat hlăm dŭm êpul êya ngăn prăk. Kñăm bi klă hnơ̆ng, hdră ngă bruă, hnơ̆ng tŭ jăk bruă ngăn prăk, boh nĭk ênoh prăk tla prăk mlan.

Y Ƀel pô mblang