VOV4.Êđê- Aguah mbrue (1/10), ti anôk bi kƀĭn online, ksiêm bi mklă klei hâo mdah mơ̆ng knŭk kna kơ bruă kiă kriê lehanăn ba yua keh prăk ênua mdrao mgŭn thŭn 2020, kơ klei hlue nga hdră mtrŭn mrô 68 mơ̆ng Bruă kƀĭn ala  gưl 13, mđĭ hĭng bruă hlue nga hdră êlan, kle ibhiăn kơ prăk ênua bruă mdrao mgŭn, anăp truh kơ klei bi tĭng ba yua eneua mdrao mgŭn hŏng jih jang phung ƀuôn sang, Anôk bruă Yang ƀuôn hlăm Bruă kƀĭn ala mâo klei mtă kơ Anôk bruă kiă kriê prăk ênua yang ƀuôn Việt Nam ngă bi mngač hĭn kơ bruă êbeh 10 êbâo 150 êklai prăk mơ̆ng anôk bruă kiă kriê ênua yang ƀuôn dôk đuôm nư, ka dưi bi tĭng tla kơ thŭn 2020. Anôk bruă yang ƀuôn akâo kơ knŭk kna pral ba mdah hŏng Bruă kƀĭn ala klei bhiăn Bruă kiă kriê ênua yang ƀuôn (lŏ mlih mrâo), hŏng klei kñăm phŭn jing mđĭ klei suaih pral kơ jih jang mnuih, lehanăn mâo hdră bi mlih jih jang boh phŭn kơ bruă ênua mdrao mgŭn djŏ tuôm halwm klei lŏ bi mlih hlăm klei bhiăn mkă dlăng mdrao mgŭn klei ruă. Ti anôk bi kƀĭn, Anôk bruă yang ƀuôn ăt mtă kơ Phŭn bruă mdrao mgŭn bi ksiêm jih jang hră mơar tui si hdră bhiăn kơ bruă tĭng ênua mdrao mgŭn, mkă dlăng klei suaih pral, lŏ bi mlih kñăm mghaih msir jih jang klei dleh dlan, klei gun kpăk ară anei, akâo kơ klei bi mlih bi djŏ ba klei tŭ dưn kơ jih jang mnuih hlăm bruă ba yua hră ênua mdrao mgŭn, ti anôk mdrao mgŭn lehanăn bi tĭng mka klei tla prăk ênua mdrao mgŭn./.

Pô mblang: Y-Khem Niê